वीरगन्ज, ६ जेष्ठ : ग्रामीण पत्रकार समाज पर्साको अध्यक्षमा धर्मेन्द्र चौरसिया चयन भएका छन् । पर्साको ग्रामीण भेगमा रही पत्रकारीता गर्दै आएका पत्रकाहरुको भेलाले चौरसियाको अध्यक्षतामा १३ सदस्यिय ग्रामीण पत्रकार समाज पर्साको नयाँ कार्य समिति सर्वसम्मत चयन गरेको हो ।
पर्साको प्रमुख पर्यटकीयस्थल ठोरीको राईधारामा शनिबार सम्पन्न भेलाबाट ग्रामीण पत्रकार समाजको उपाध्यक्षमा प्रमोद यादव , उपाध्यक्ष (समावेशी) मा ओमप्रकाश चौधरी, सचिवमा बलराम शुक्ला, सहसचिवमा राजन बाँनिया र शाहरुख मन्सुरी तथा कोषाध्यक्षमा कृष्णमोहन साह चयन भएका छन् ।यस्तै सदस्यमा माधव तिमिल्सिना, चिरञ्जीवी सापकोटा, रामकिशोर चौधरी , रामजी यादव ,चन्द्रशेखर प्रजापति र मिनी पञ्जियार पनि सर्वसम्मत चयन भएका छन् ।
नेपाल पत्रकार महासंघ पर्सा शाखाका अध्यक्ष अनुप तिवारीको प्रमुख आतिथ्यतामा भएको भेलामा पर्सा ग्रामीण सुचना केन्द्र पर्साका पूर्व उपाध्यक्ष लालबाबु बानियाँ , पत्रकार प्रताप श्रेष्ठ लगायतका पत्रकारहरुको पनि सहभागीता थियो ।
The post ग्रामीण पत्रकार समाज पर्साको नयाँ कार्यसमिति गठन ,अध्यक्षमा चौरसिया चयन appeared first on Madhes Khabar.
प्रतिक्रिया