वीरगन्ज, ६ जेष्ठ : वीरगन्जस्थित वीरगन्ज पब्लिक कलेज (बिपीसी) मा विभिन्न तहमा अध्ययन पुरा गरेका विद्यार्थीहरुको दिक्षान्त समारोह शनिबार सम्पन्न भएको छ ।
कलेजकै सभाकक्षमा शनिबार आयोजित दिक्षान्त समारोहमा कलेजको विभिन्न संकायमा अध्ययन सकाएका विद्यार्थीहरुलाई नेपाली कांग्रेसका केन्द्रिय सदस्य नेता तथा पूर्व रक्षामन्त्री डाक्टर मिनेन्द्र रिजालले प्रतिज्ञा गराएर दिक्षित गरेका हुन् ।
कलेजका संस्थापक अध्यक्ष प्राध्यापक डाक्टर दीपक शाक्यको अध्यक्षतामा भएको समारोहमा प्रदेश सभा सदस्य श्याम पटेल, मध्यपश्चिम विश्व विद्यालयका पूर्व उपकूलपति उपेन्द्र कोईराला, पञ्चकन्या ग्रुपका अध्यक्ष प्रदीप श्रेष्ठ, नेपाल उद्योग वाणिज्य महासंघ मधेस प्रदेशका अध्यक्ष अशोक टेमानी, पूर्व अध्यक्ष गणेश लाठ, वीरगन्ज उद्योग वाणिज्य संघका अध्यक्ष अनिल अग्रवाल, नेपाल पत्रकार महासंघका केन्द्रिय सचिव दिपेन्द्र चौहान लगायतको पनि विशेष उपस्थिति रहेको थियो ।
समारोहमा कलेजका प्रमुख विनय श्रेष्ठले स्वागत मन्तव्य राखेका थिए भने सहायक क्याम्पस प्रमुख अरविन्द श्रेष्ठले सहजिकरण गरेका थिए ।
The post वीरगन्ज पब्लिक कलेजमा दिक्षान्त समारोह सम्पन्न appeared first on Madhes Khabar.
प्रतिक्रिया