बारा,११बैशाख :बारा क्षेत्र नम्बर २ को मतगणना शुरु भएको छ । क्षेत्र नं. २ को करैया गाउँपालिका र सुवर्ण गाउँपालिकाको वडा नं. १ बाट मत गणना शुरु भएको हो ।
बिहान११ बजे देखि शुरु गर्ने भनिएतापनि दलले प्रतिनिधि पठाउन ढिला गरेका कारण करिब २ घण्टा ढिलो गरी दिउँसो १ बजेबाट मतगणना शुरु भएको हो ।
बारामा १०५२४८ जना मतदाता रहेता पनि आईतवार भएकाे निर्वाचनमा ६८८८७ मतदान भएको थियो । जुन ६५ प्रतिशत हुन आउछ ।
बारा क्षेत्र नं. २ मा यस अघि जनता समाजवादी पार्टीका तर्फबाट बिजयी भएका राम सहाय प्रसाद यादव उपराष्ट्रपतिमा निर्वाचित भएपछि यो क्षेत्र खाली भएको थियो ।
यस क्षेत्रमा जसपाका केन्द्रीय अध्यक्ष उपेन्द्र यादव, जनमत पार्टीका तर्फबाट शिवचन्द्र कुश्वाहा, राष्ट्रिय स्वतन्त्र पार्टीका तर्फबाट पुर्व डिआईजी रमेश खरेल, आम जनता पार्टीका तर्फबाट अरुण ज्ञवाली लगायत १० दल र २४ जना स्वतन्त्र उम्मेदवार चुनावी मैदानमा रहेका छन् ।
The post बारा २ काे मतगणना सुरु appeared first on Madhes Khabar.
प्रतिक्रिया