मधेसखबर
वीरगन्ज ,२४ माघ : नेपालले बंगलादेशमा भइरहेको साफ यू–२० वुमेन्स च्याम्पियनसिपको फाइनल यात्रा तय गरेको छ । मंगलबार भएको खेलमा नेपालले उत्कृष्ट पुनरागमन गर्दै भारतलाई ३–१ ले हराएको हो ।
पहिलो हाफमा नेपाल एक गोलले पछाडि रहेको थियो ।त्यसयता नेपालले दोस्रो हाफमा उत्कृष्ट प्रदर्शन गरेको हो । ढाकाको वीर श्रेष्ठ सहिद सिपाही मुस्तफा कलम स्टेडियममा भएको खेलमा नेपालका लागि अञ्चली चन्दले ४८, प्रिति राईले ६९ र अमिसा कार्कीले ८९ एक÷एक गोल गरे ।
भारतका लागि भने अपूर्ण नर्जारीले एक गोल गरेकी थिइन् । कप्तान प्रितिले भने पेनाल्टीबाट गोल गरेकी हुन् । यो जितपछि नेपालको तीन खेलबाट छ अंक भएको छ ।
आफ्नो पहिलो खेलमा बंगलादेशसँग पराजित भएको नेपालले दोस्रो खेलमा भने भुटानलाई हराएको थियो । हारपछि भारत भने तीन खेलबाट चारै अंकमा सीमित रह्यो । भारतले भुटानलाई हराएयता बंगलादेशसँग बराबरीमा रोकिएको थियो ।
The post भारतलाई हराएर नेपाल फइनलमा appeared first on Madhes Khabar.
प्रतिक्रिया