मधेसखबर
वीरगन्ज,०२माघ : पर्साको पर्सागढी नगरपालिका वडा नम्बर ३ बढ्निहार स्थित एक घरमा जुवातास खेलिरहेको अवस्थामा १० जना जुवाडे पक्राउ परेका छन् ।बढ्निहारका भागवत साहको घरमा जुवातास खेल्दै गरेका १० जना जुवाडेलाइ प्रहरीले पक्राउ गरेको हो ।
साहको घरमा प्रहरीले छापा मारेर पूर्व वडा अध्यक्ष वेदमन दास थारु, स्थानीय शिक्षक गौरीशंकर चौधरी लगायत १० जनालाइ पक्राउ गरेको हो । उनिहरुको साथबाट १ लाख २८ हजार १ सय ४० रुपैयाँ नगद, ४ बुक तास समेत बरामद गरिएको पर्साका प्रहरी प्रवक्ता प्रहरी नायब उपरीक्षक दिपक गिरिले जानकारी दिए ।
पक्राउ परेका जुवाडेहरुलाइ प्रहरी हिरासतमा राखेर अनुसन्धान भइरहेको गिरिले बताए ।
The post पर्साको बढनिहारमा तास खेल्दै गरेको अवस्थामा शिक्षक र पूर्व वडाध्यक्ष सहित १० पक्राउ appeared first on Madhes Khabar.
प्रतिक्रिया