मधेसखबर
वीरगन्ज,१० कार्तिक : वीरगन्जको घडीअर्वा छठपूजा व्यवस्थापन समितिले छठघाटमा आउने ब्रतालु र भक्तजनहरुको सुरक्षा र सहजताका लागि सुरक्षा निकायका प्रमुखहरुसंग छलफल गरेको छ ।
बिहीबार घडीअर्वा पोखरी छठघाट परिसरमै भएको छलफलमा जिल्ला प्रशासन कार्यालय , नेपाल प्रहरी , सशस्त्र प्रहरी , ट्रापिक प्रहरी , राष्ट्रिय अनुसनधान विभागका प्रमुख र प्रतिनिहरु सहभागी थिए ।
उक्त छलफलमा सहभागी सुरक्षा निकायका प्रमुखहरुले यस बर्षको छठ पूजामा घडीअर्वा पोखरी छठघाटमा विगतको भन्दा पनि चुस्त र व्यवस्थित सुरक्षाको प्रबन्ध मिलाइने प्रतिबद्धता जनाए ।
पर्साका निमित्त प्रमुख जिल्ला अधिकारी भीकान्त ढकालले छठघाटको सुरक्षामा स्थानीय प्रशासन र प्रहरीका तर्फबाट कुनै कसर बाँकी नराख्ने बताए । घडीअर्वा छठघाटमा आवश्यक सुरक्षाकर्मी उपलब्ध गराइने जानकारी उनले गराए ।
जिल्ला प्रहरी कार्यालय पर्साका प्रहरी नायब उपरिक्षक दिपक गिरीले छठपूजाका लागि देशभरमै उत्कृष्ट रहेको घडीअर्वा छठघाटमा ब्रतालु र भक्तजनहरुको सुरक्षा र सहजताका लागि समितिसंग समन्वय गरि नेपाल प्रहरी र सशस्त्र प्रहरी परिचालन गरिने जानकारी गराए । यसपालिका आफुहरुसंग म्यादी प्रहरी पनि भएका कारण जनशक्तिको अभाव नभएको पनि उनले बताए ।
यस्तै सशस्त्र प्रहरी नायब उपरिक्षक सन्तोष बस्नेतले पनि आवश्यक संख्यामा प्रहरी परिचालन गर्नुका साथै सादा पोशाकमा पनि सुरक्षाकर्मी खटाइने बताए । विशेष गरि महिलाहरुको पर्ब भएका कारण छठघाटमा नेपाल र सशस्त्र प्रहरीका तर्फबाट जनशक्तिले भ्याए सम्म महिला सुरक्षाकर्मी पनि खटाइने जानकारी उनले गराए । यस्तै पोखरीको जलाशयमा सम्भावित दुर्घटना हुन नदिन सशस्त्र प्रहरीका तर्फबाट पनि आवश्यक जनशक्ति उपलब्ध गराइने उनले बताए ।
बैठकमा समितिका सचिव सन्तोष गुप्ताले. यसपालिका छठघाटका चार वटै गेट , परिसर भित्र र बाहिर गरि १४ स्थानमा सिसिटिभी क्यामेरा पनि जडान गरिने जानकारी गराए । त्यस्तै छठघाट परिसरमै प्राथमिक उपचार शीवीर स्थापना गरिने र एउटा एम्बुलेन्स तयारी अवस्थामा राखिने नेपाल रेडक्रस सोसाइटीका प्रभाकर गुप्ताले बताए । वीरगन्ज महानगरपालिकाले छठघाट छेउकै कर कार्यालय अगाडि वारुण यन्त्र पनि तयारी अवस्थामा राख्ने वडा नम्बर १० वडा अध्यक्ष सुशिल साह कानुले जानकारी गराए ।
सुरक्षा उपसमितिका संयोजक अजय गुप्ताले छठघाटमा सुरक्षाको दृष्टिकोणले कुनै पनि सम्झौता नगरिने बताउदै ढुक्क भएर छठघाटमा आउन र पूजा दर्शन गर्न आग्रह गरे ।
बैठकमा समितिका अध्यक्ष हिरा साह कानु , उपाध्यक्ष दिलिप साह कानु् , सचिव सन्तोष गुप्ता, सहसचिव मुन्ना साह , कोषाध्यक्ष तिलक साह कानु , सदस्यहरु सोनालाल साह , दिपक साह , समितिका संस्थापक अध्यक्ष राजेन्द्र गुप्ता , निवर्तमान अध्यक्ष प्रेम साह कानु , वरिष्ठ अधिवक्ता पन्नालाल गुप्ता , ट्राफिक प्रहरी नायब निरिक्षक राजेन्द्र गैरे , प्रहरी नायब निरिक्षक आरपि साह र बच्चा साह , स्थानीय शम्भु साह कानु , मनोहर साह , सन्चारकर्मी प्रणय साह लगायतको पनि सहभागीता थियो ।
The post घडीअर्वा छठघाटमा यसपालि सुरक्षा व्यवस्था थप प्रभावकारी बनाइने appeared first on Madhes Khabar.
प्रतिक्रिया