मधेसखबर
वीरगन्ज,१६जेठः उदयपुरको कटारी नगरपालिका–१४ भदौरे स्थित चनौटेमा सोमबार बिहान ट्रक दुर्घटना हुँदा बाराका चार जनाको मृत्यु भएको छ ।
मकवानपुरको हेटौंडाबाट मिक्सु सोलु हाइड्रोपावरको सिमेन्ट लोड गरेर सोलुखुम्बुतर्फ जाँदै गरेको ना.८.ख.८२९७ नम्बरको ट्रक सिद्धिचरण लोकमार्ग अन्तरगत उदयपुरको चनौटे स्थित खोला नजिक सोमबार बिहान साढे २ बजे दुर्घटना भएको हो ।
दुर्घटनामा ट्रकका चालक बाराको सिमरा–१ का ३५ वर्षीय सुजित घलान, सहचालक २५ वर्षीय नितेश खड्का, ट्रकमा सवार सिमरा–१ कै १७ वर्षीय अनुज लामा र ३७ वर्षीय राजन तामाङको घटनास्थलमै मृत्यु भएको जिल्ला प्रहरी कार्यालय उदयपुरका प्रहरी निरीक्षक मोहन थापाले जानकारी दिए ।
प्रहरीका अनुसार कच्ची सडकमा चालक निदाएका कारण ट्रक अनियन्त्रित भइ सडकबाट करिव १ सय मिटर तल खसेको हो । दुर्घटनाको अनुसन्धान भइरहेको प्रहरीले जनाएको छ ।
The post उदयपुरमा ट्रक दुर्घटना हुदा बाराका चार जानको मृत्यु appeared first on Madhes Khabar.
प्रतिक्रिया