वीरगन्ज, २८ जेष्ठ : गर्मी कम नभएपछि पर्सकाे पटेर्वासुगाैली गाँउपालिकाले विद्यालयहरुमा गर्मी विदा थप गरेको छ ।
यसअघि बढ्दो गर्मीका कारण बालबालिकाहरुको स्वास्थ्यमा प्रतिकुल प्रभाव परेको भन्दै पटेर्वासुगाैली गाँउपालिकाले जेष्ठ १९ गतेदेखि आज जेष्ठ २८ गतेसम्म सबै सामुदायिक र संस्थागत विद्यालयहरु बन्द गरेको थियो ।
तर योबिचमा गर्मी कम हुनुको सट्टा झन् बढ्दै गएपछि आइतबार एक सुचना जारी गरेर पटेर्वासुगाैली गाँउपालिकाले पालिकामा रहेका सबै विद्यालयहरु थप ४ दिन अर्थात जेष्ठ २९ देखि जेष्ठ ३२ गतेसम्मका लागि बन्द गर्ने निर्णय गरिएको जनाएको छ ।
तापक्रम घट्नुको सट्टा झन् बद्दो अवस्थामा रहेकाले वर्षे विदामा कट्टा हुने गरि थप ४ दिन अर्थात जेष्ठ ३२ गतेसम्मका लागि विद्यालयहरु बन्द गर्ने निर्णय गरिएको गाँउपालिकाका प्रमुख प्रशासकीय अधिकृत सन्देश यादवले आइतबार जारी गरेको सुचनामा उल्लेखछ ।
पर्सा , बारा लगायत मध्यतराईका जिल्लाहरुमा पछिल्लो दुई सातायता गर्मी अत्याधिक बढिरहेको छ । यसक्षेत्रमा तापक्रम बढेर अधिकतम ४४ डिग्रि सेल्सियससम्म पुगेको छ ।
The post गर्मी कम नभएपछि पटेर्वासुगाैली गाँउपालिकाका विद्यालयहरु थप चार दिनका लागि बन्द appeared first on Madhes Khabar.
प्रतिक्रिया