बैशाख १० मा तीन वटा निर्वाचन क्षेत्रमा प्रतिनिधीसभा सदस्य चुन्नका लागि उपनिर्वाचन हुदैछ । बारा २ , तनहुँ १ र चितवन २ मा । यी मध्ये बारा २ मा पनि देशभरकै चासो देखिएको छ ।कारण यो क्षेत्र जितेर मधेसमा राजनीतिक बर्चस्व कायम राख्ने कोशीशमा छन् जसपा र जनमत पार्टीका शीर्ष नेताहरु । बारा २ मा दलगत र स्वतन्त्र गरि ३६ जना उम्मेदवार भएपनि पाँच दलीय गठबन्धनका तर्फबाट साझा उम्मेदवार जसपाका राष्ट्रिय अध्यक्ष उपेन्द्र यादवलाई हराएर मधेसमा आफनो वर्चस्व बनाउन चाहेका छन् जनमतका केन्द्रिय अध्यक्ष डाक्टर सिके राउत । उनै सिके राउतसंग बसधबार गरिएको संक्षिप्त कुराकानी
चुनावी प्रचार प्रसारको अन्तिम समयमा आईपुग्दा आफनो पक्षमा कस्तो माहौल पाइरहनु भएको छ ?
जनमत पार्टी प्रति बारा २ का जनतामा व्यापक जनहलर छ , यहाका जनता र मतदाताले यसपालि परिवर्तन चाहेका छनन् , त्यो पपनि यहिकै धर्तीपूत्रलाई जिताएर । किनकि यसअघि भएका चुनावमा यो क्षेत्र भन्दा बाहिरकाले जित्दै आएका थिए त्यो इतिहासलाई यसपालि जनताले तोडन् चाहेका छन् । विगत १५ वर्षदेखि आफनो क्षेत्र भन्दा बाहिरकाले जित्दा विकासमा पछाडि परेको यहाका जनताले महसुस गरिरहेका छन् त्यसका कारण जनमत पार्टीका उम्मेदवार शीवचन्द्र कुशवाहाको पक्षमा जनलहर बढेको छ ।
बारा २ मा जनमत पार्टीको निकटतम प्रतिस्पर्धी को देखिएको छ ?
अहिले सम्म त हाम्रो प्रतिस्पर्धी जसपा र उसका उम्मेदवार उपेन्द्र यादव नै देखिनुहुन्छ , तर उहाँ हामी भन्दा धेरै पछाडि हुनुहुन्छ । बारा २ मा हाम्रो लक्ष्य भनेको सप्तरीको भन्दा पनि बढि मतान्तरले जित्ने छ । यसको आधार भनेको गत मंसिर ४ मा सप्तरी २ मा म आफै चुनाव लड्दा हाम्रो पार्टी भर्खर भर्खर बनेको थियो । तर अहिले हाम्रो संगठन सबैतिर विस्तार भइसकेको छ , त्यसका कारण बारा २ मा सप्तरीको भन्दा पनि बढि मतान्तरले हामी जित्नेमा ढुक्क छौ ।
जसपाको राष्ट्रिय अध्यक्ष उपेन्द्र यादव आफै उम्मेदवार हुनुहुन्छ , त्यसमा पनि उहालाई प्रमुख ५ दलको सर्मथन पनि छ , यस्तो अवस्थामा तपाईले यादवलाई भारी मतान्तरले हराउछु भन्नु हास्यास्पद भएन र ?
सबै भन्दा पहिले त अहिले एकदुइ दिन यता मिडियामा आएका सर्वेक्षणको रिपोर्ट हेर्नुस । एउटा मात्रै होइन धेरै सर्वेक्षणहरु मिडयामा आइसकेका छन् । त्यसले नै पुष्टि गर्छ कि उप्न्द्र जी भारी मतले हार्दै हुनुहुन्छ , हामी सहजै जित्दैछौ । अर्को कुरा अहिले जनमत पार्टी प्रति बढ्दै गएको जनलहर बाढि जस्तै हो , यो बाढीले आफुलाई ठूलो हस्ति भनाउदाहरुलाई कहा बगाएर लग्छ थाहा हुन्न । जहासम्म गठबन्धनको कुरा छ त्यो त काठमाडौंमा बसेर ठूला नेताहरुले गरेका हुन् , जिल्ला , पालिका र वडास्तरमा कार्यकर्ताले गठनबन्धन गरेका होइनन् । तल्लो तहका कार्यकर्ताहरु दलका नेताहरुको दास पनि होइनन् । शीर्ष तहमा नेताहरुले पटक पटक चुनावी गठबन्धन गरेका कारण ग्रास रुटमा खटिएका उनका अधिकांश कार्यकर्ता र नेताहरु रुष्ट छन् आक्रोशित छन् , उनिहरुको मत पनि जनमतले नै पाइरहेको छ ।
बारा २ मा सिके राउतले उठाएको उम्मेदवार शीवचन्द्र कुशवाहा गलत परे , उनको छवि राम्रो छैन त्यसका कारण सिके राउत एक्लै जनताको घरदैलामा पुगेर उम्मेदवार आफु नै उम्मेदवार हुँ जस्तो गरेर मत मागिरहेका छन् , जनतालाई झुक्याइरहेका छन् भन्ने आरोप छ नि ?
यो आरोप आफैंमा हास्यास्पद र बेतुकको छ । किनकि मंसिर ४ को निर्वाचनमा माओवादी –कांग्रेस गठबन्धनले कुशवाहालाई नै उम्मेदवार बनाएको थियो । अनि हिजो गठबन्धनले उम्मेदवार बनाउँदा कुशवाहा राम्रो र असल हुने अनि अहिले जनमत पार्टीले तीनै कुशवाहालाई उम्मेदवार बनाउदा चाहि गलत अनि नराम्रो हुने ? । जनताको घरदैलो गएर सेवा गर्न सक्ने , दलितको सहारा बन्न सक्ने , जनताको सुखदुखमा साथ दिनसक्ने लोकप्रिय छवि भएका कुशवाहालाई जनमतले उम्मेदवार बनाएको छ , उहा जनताका माझ लोकप्रिय पहिलेदेखि नै हुनुहुन्छ । जनताको घरदैलामा हामी संगसंगै पुगेर मत मागिरहेका छौं ।
जसपा उम्मेदवार उपेन्द्र यादवले त आफनो प्रतिस्पर्धी नै कोहि छैन भनेर भन्दै हुनुहुन्छ त ?
मंसिर ४ को निर्वाचनमा उपेन्द्र जीले सप्तरी २ मा पनि यहि भन्नु हुन्थ्यो त । त्यहा तर नतीजा के कस्तो आयो ? सबैलाई जगजाहेर नै छ । त्यो समय बितिकको धेरैदिन त भएको छैन । सप्तरीमा उहा मसंग दोब्बर भन्दा बढि मतले लजास्पद हार्नु परयो । उपेन्द्र जी र उहाका कार्यकर्ताहरु हतास भइसकेका छन् । त्यसका कारण यी सब कुतर्क गरिरहेका छन् ।
The post बारा २ मा हाम्रो मुख्य प्रतिस्पर्धी उपेन्द्र यादव नै हो : सिके राउत appeared first on Madhes Khabar.
प्रतिक्रिया