वीरगन्ज ,१० पुस: : नेकपा एमालेका अध्यक्ष केपी ओेली निवास बालकोटमा बसेकाे बैठकले नेकपा माओवादी केन्द्रका अध्यक्ष पुष्पकमल दाहाल प्रचण्डलाई प्रधानमन्त्री बनाउने निर्णय गरेको छ। बैठकमा प्रधानमन्त्रीमा माओवादी केन्द्र र राष्ट्रपति नेकपा एमालेलाई दिने सहमति भएको छ।
नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी, राप्रपा , जसपा, नागरिक उन्मुक्ति पार्टी र जनमत पार्टीको बैठकले प्रचण्डलाई प्रधानमन्त्री बनाउने निर्णय गरेको हो।
६ पार्टीको बैठक अघि एमाले अध्यक्ष ओली र
राष्ट्रिय प्रजातन्त्र पार्टीका अध्यक्ष राजेन्द्र लिङदेनबीच पनि सत्ता सहकार्य गर्ने समझदारी भएको थियो।
आफैँ प्रधानमन्त्री हुने गृहकार्यमा लागेका प्रचण्ड बालुवाटारको सत्ता गठबन्धनको बैठकमा सहमति नजुटेपछि ओली निवास बालकोट पुगेका थिए। बैठक सहमति जुटेको र १६६ जना सांसदहरुकाे हस्ताक्षर सहितको निर्णय राष्ट्रपति कारर्यालय पेस गर्न आफुहरु शितल निवास हिडेकाे एमाले महासचिव शंकर पाेखरेलले जानकारी दिए ।
यो सँगै निर्वाचनबाट सबैभन्दा ठूलो दल बनेको नेपाली कांग्रेस प्रमुख प्रतिपक्षी दल बन्ने भएको छ।
The post प्रचण्डलाई प्रधानमन्त्री बनाउने बालकोट बैठकको निर्णय appeared first on Madhes Khabar.
प्रतिक्रिया