बारा, कलैया, २१ कात्तिक ।
जिल्ला प्रहरी कार्यालय बारा, कलैयाले २५ किलो गाँजा सहित १ जनालाई पक्राउ गरेको छ ।
कात्तिक २० गते राति ९ बजे इलाका प्रहरी कार्यालय निजगढ, बाराबाट खटिएको प्रहरी टोलीले निजगढ न.पा.वडा न. १२ कुलियाबाट गाँजासहित एकजनालाई पक्राउ गरेको हो ।
प्रहरीले निजगढ नगरपालिका वडा न. १२ वारथली बस्ने वर्ष ५८ को प्रेम बहादुर लोलाई २५ किलो गाँजासहित पक्राउ गरिएको जिप्रका, बाराले जनाएको छ ।
प्रहरी टोलीलाई देख्नासाथ दुई जना गांजा तस्कर फरार भएका थिए । प्रहरीले २ वटा बोरामा ७ किलोको दरले १४ किलो र एउटा बोरामा ११ किलो जम्मा २५ किलो ग्राम लागू औषध गाँजा बरामद गरेको प्रहरीले जनाएको छ । पक्राउ परेका प्रेम बहादुर लोलाई बारा जिल्ला अदालतबाट लागू औषध मुद्दामा म्याद थप गरेको छ भने फरार रहेका २ जना व्यक्तिको खोजी भइरहेको जिप्रका, बाराका प्रवक्ता प्र.ना.उ. राजेश थापाले जानकारी गराएका छन् ।
प्रतिक्रिया