जुवातास, क्यासिनो, वेश्यावृत्ति खुलेआम

वीरगंज । दलाल पूँजीवादी संसदीय व्यवस्थाले जरो गाडेपछि यखिेर राजधानीलगायत विभिन्न ठूला शहरहरुमा दलाल पूँजीवादी व्यवस्थाको प्रमुख विशेषता अन्तर्गत जुवा,तास, क्यासिनो (वैधानिक जुवाघर), मसाजका नाममा वेश्यावृत्ति, यौन व्यवसाय खुलेआम भएको छ । अपार ढंगले बढेको छ । जुवाघर क्यासिनोमा भारतीय नागरिक र विदेशी नागरिकको समेत आउजाउ छ । नाइट डान्सबार पनि फस्टाउँदो यौन व्यवसायको केन्द्र बनेको छ । अनैतिक तरीका र अवैध तरीकाले धन कमाउने प्रवृत्ति बढ्दै गएको छ । गलत धन्दा सबै प्रहरीको सेटिङमा भइरहेकाले सुरक्षित र संरक्षित छन् । कुनै बेला थाइल्यान्डको बैंकक जस्तै यौन अपराधको स्थल मुजफरपुरमा वेश्यावृत्ति, जुवातास र मुजराको लागि प्रसिद्ध थियो । अहिले नेपाल अवैध धन्दामा बदनाम हुंदै गएको छ । रोंदीघर, गजल नाइट वेश्यावृत्ति धन्दातर्फ आकर्षित हुंदै गएको छ । आर्थिक संकट परेको बेला यस्ता धन्दाले महत्व पाइरहेको छ ।