मधेसखबर
वीरगन्ज,०२असोज:राष्ट्रिय फोटोपत्रकार समूह एनफएपिजे नेपालले राष्ट्रिय फोटोपत्रकारिता अवार्ड २०२२ को लागि उत्कृष्ट पाँचमा पर्न सफल भएका फाेटाे पत्रकारहरुको नामावली सार्वजनिक गरेको छ ।
राष्ट्रिय फोटोपत्रकारिता अवार्डका लागि १४ विधामा उत्कृट पाँच मनोनयनमा पर्न सफल सहभागी फोटोपत्रकारहरुकाे नामावली सार्वजनिक गरिएको हो ।
प्रदेश स्तरीय फोटोपत्रकारिता अवार्डमा मधेस प्रदेश उत्कृष्ट फोटोपत्रकारिता विधाका लागि नोमिनेशनमा पर्न सफल उत्कृष्ट ५ जना फोटो पत्रकारहरु छनौट भएका छन । जसमध्ये पर्साका चार जना छनौट भएका छन ।
पर्साबाट नयाँ पत्रिका दैनिकमा कार्यरत तिवारी यादव ,कान्तिपुर टेलिभिजनमा कार्यरत पंकज श्रेष्ठ छनौट भएका छन । यस्तै ग्यालेक्सी टेलिभिजनमा कार्यरत जियालाल प्रसाद साह र मध्य नेपालकी कविता खड्का पनि छनौट भएको आयोजक राष्ट्रिय फोटो पत्रकार समूह (एनएफपीजे नेपाल) का कार्यक्रम संयोजक प्रदिपराज वन्तले जानकारी दिए ।
उक्त मनोनयनमा पर्ने उत्कृष्ट ५ मध्येवाट प्रत्येक विधामा १ जनालाई उत्कृष्ट फोटोपत्रकारिता अवार्ड २०२२ यही असोज ६ गते संस्थाको २५औं वार्षिकोत्सव समारोह आयोजना गरी वितरण गरिने उनले बताए ।
उक्त कार्यक्रममा फोटोपत्रकारितालाइ जीवनभर पेशाको रुपमा अंगालेर हाल निवृत्त जीवन व्यतित गरिहेका अग्रज संस्थापक सदस्यहरुलगायत २५ जना वरिष्ठ फोटोपत्रकारहरुलाई विशेष सम्मान पनि गरिने कार्यक्रम संयोजक वन्तले बताए ।
The post राष्ट्रिय फोटोपत्रकारिता अवार्डका लागि पंकज र तिवारी सहित पर्साबाट चार जनाकाे मनोनयन appeared first on Madhes Khabar.
प्रतिक्रिया